Գանձերի «որսորդ» Մարիուշ Ստեպյենը Շոտլանդիայում մետաղորսիչի օգնությամբ հայտնաբերել է բրոնզե դարի արտեֆակտներ, որոնք շուրջ 3 հազար տարեկան են: Այս մասին հայտնում է The Guardian-ը:
Պարբերականի տվյալներով՝ տղամարդը ընկերների հետ միասին զբաղվել է պեղումներով, երբ գտել է մետաղյա առարկաներ, որոնք ընկած էին 1.5 մետր խորության մեջ: Մետաղորսիչի ազդանշանն այնքան ուժգին էր, որ Ստեպյենն այդ մասին հաղորդել է Շոտլանդիայի Ազգային թանգարանի բազայի վրա ստեղծված Treasure Trove կազմակերպության մասնագետներին:
Պրոֆեսիոնալ հնագետները անհապաղ ժամանել են նշյալ վայրը և հետազոտել այն գրեթե մեկ ամիս: Արդյունքում Ստեպյենը և գիտնականները հայտնաբերել են պատյանով սուր՝ զարդարված գոտիներով և ճարմանդներով, հնագույն սայլերի անիվների սկառավակներ, ինչպես նաև դեկորատիվ «զանգուլակ», որն ամրացվել է ձիասարքին և եղել է առաջինը, որ գտնվել է Շոտլանդիայում և երրորդը՝ Մեծ Բրիտանիայում:
