Ուրբաթ, օգոստոսի 14-ին, Թուրքիայի նախագահ Ռեջեփ Թայիփ Էրդողանը չի բացառել, որ ի պատասխան ԱՄԷ-ի և Իսրայելի միջև հարաբերությունների կարգավորման մասին համաձայնագրի, Անկարան կարող է հետ կանչել իր դեսպանին Աբու Դաբիից:
Էրդողանի խոսքերով, նա նախազգուշացրել է Թուրքիայի արտգործնախարարին, որ երկիրը կարող է նման միջոցներ ձեռնարկել: Թուրքիայի ղեկավարը ընդգծել է, որ այս պայմանագիրը «աններելի քայլ» է Պաղեստինի հանդեպ:
Ավելի վաղ, Թուրքիայի արտգործնախարարությունը ԱՄԷ-ի ձեռնարկած քայլը «Պաղեստինի նկատմամբ երեսպաշտություն» էր անվանել:
Նախորդ օրը, օգոստոսի 13-ին, ԱՄՆ նախագահ Դոնալդ Թրամփը հայտարարեց, որ Իսրայելի և ԱՄԷ-ի իշխանությունները պայմանավորվածություն են ձեռք բերել հարաբերությունների լիակատար կարգավորման մասին:
