Այս տարի ավելի քան 9 հազար դիմորդ ընդունվել է բուհ: Դրական գնահատական ստանլով՝ բուհ չի ընդունվել մոտ 200 դիմորդ: «Առաջին լրատվական»-ի հետ զրույցում ասյ մասին ասաց ԿԳՄՍ նախարար Արայիկ Հարությունյանը՝ ընդծելով, որ բուհ չընդունված դիմորդների հարցը չի լուծվի այն ձևով, ինչես իրենք են բարձրաձայնում. դիմորդները պահանջում են լրացուցիչ տեղեր բացել: Նախարարը հավաստիացրեց, որ նրանց այլընտրանքային առաջարկներ են արվել, այդ թվում նաև հեռակա ուսուցման համակարգում սովորելու հնարավորությունը, առաջարկները բուհ չընդունված դիմորոդների մի մասի կողմից ընդունվել են: Դիմորդների մյուս մասը դատական հայց է ներկայացրել:
Հիշեցնենք՝ այս տարի ընդունելության կարգում նորամուծություն էր կատարվել. այս տարի կարևորվել է մասնագիտությունը, և առաջնայնությունը տրվել է ոչ թե որևէ առարկայից բարձր գնահատական ստացողներին, այլ տվյալ մասնագիտությունն առաջին հայտով նշածներին։ Արայիկ Հարությունյանի դիտարկմամբ՝ սա ճիշտ մոտեցում է, այլապես պետությունը զուր ներդրումներ է անում, պահանջարկը դեֆորմացվում է:
ԿԳՄՍ նախարարն անդրադառնալով կրթական նոր չափորոշիչների վերաբերյալ հնչող քննադատություններին նշեց, որ ռեֆորմները ցավոտ են լինում, և դա նորմալ է. «Կարծրատիպեր են կոտրվում, արատավոր համակարգեր են ջախջախվում, որոշները չեն համակերպվում»: Նախարարը հավաստիացրեց, որ առարկայական չափորոշիչների առցանց քննարկումներն ունեն մեծ մասնակցայնություն, մասնացկել է շուրջ 6 հազար ուսուցիչ և այլ մասնագետներ: «Եթե կան մարդիկ, ովքեր ճակատամարտի են ելել, ապա նրանք կռվում են հողմաղացների դեմ, մենք գնում ենք բարեփոխման»: ԿԳՄՍ նախարարի խոսքով՝ կրկնուսույցների խռովություն է բարձրացել, քանի որ նախկին արատավոր համակարգն ապամոնտաժվում է:
Մանրամասն՝ տեսանյութում:
