Ամերիկացի ռեփեր Քանյե Ուեսթը Twitter-ում ակնարկել է, որ կարող է ԱՄՆ նախագահի թեկնածու առաջադրվել 2024թ.-ին:
Երաժիշտը հետևորդներին հարցրել է՝ արդյո՞ք նա պետք է Միացյալ Նահանգների նախագահի թեկնածու առաջադրվի. «2020VISION կամ, գուցե 24… Ես ենթադրում եմ, որ բոլոր սևամորթները պետք է քվեարկեն Բայդենի օգտի՞ն: Դուք բոլորդ ուզու՞մ եք, որ ես առաջադրվեմ, թե՞ ոչ»:
Ուեսթի ԱՄՆ նախագահի պաշտոնում առաջադրվելու մտադրության մասին հայտնի դարձավ հուլիսի 4-ին: Սակայն փորձագետները կարծում են, որ նա շատ ուշ է մտել նախագահական մրցավազք, քանի որ մի շարք նահանգներում արդեն լրացել է ընտրողների ստորագրությունները հավաքելու վերջնաժամկետը:
ԱՄՆ նախագահի 59-րդ ընտրությունները նշանակված են նոյեմբերի 3-ին: Ընտրություններում դեմոկրատներին կներկայացնի նախկին փոխնախագահ Ջո Բայդենը, իսկ գործող Դոնալդ Թրամփը հանդես կգա հանրապետականների կողմից: