Թուրքիայի կենտրոնական Չորում նահանգում գտնվող հայկական Սուրբ Գևորգ եկեղեցին, որ կառուցվել է 1800-ականների սկզբին Չորումի հայտնի հայ Քիրյոփի ընտանիքի կողմից, այժմ թուրք արհեստավորի կողմից որպես պահեստ է օգտագործվում։
Որոշ ժամանակ առաջ գույքի սեփականատերերը դիմել են Չորումի նահանգային մշակույթի և զբոսաշրջության վարչություն, որպեսզի այն միջոցներ տրամադրի պատմական այս կառույցի վրա ձևափոխումներ անելու համար, սակայն հետո հրաժարվել են։
Այս մասին լրատվամիջոցին հայտնել է այդ վարչության պաշտոնյաներից մեկը։ Վարչության աշխատակիցը պնդել է, որ որևէ ապացույց չկա, որ այս կառույցը եկեղեցի է, և միայն տեղի բնակչությունն է փաստում եկեղեցի լինելու մասին։
Նշվում է, որ չնայած 1915թ․ Քիրյոփի ընտանիքը նույնպես ցեղասպանության սպառնալիքի տակ էր, այնուամենայնիվ, նրանց ընտանիքից մի քանիսին հաջողվում է փրկվել։
Թուրքական աղբյուրի հաղորդմամբ՝ Թուրքիայի Հանրապետության հիմնադրումից հետո Քիրյոփի ընտանիքը «իր կամքով» հսկայածավալ ունեցվածը վաճառում է չորումցի Շամլը ընտանիքին և տեղափոխվում Ստամբուլ ու Անկարա։
Եկեղեցին, որ պնդում են, թե ցեղասպանության տարիներին գնել է Շամլը ընտանիքը, այժմ համարվում է նրա ժառանգների գույքը: