Հնդկաստանը եւ Չինաստանը փոխադարձաբար դուրս են բերել զորքերը սահմանի վիճելի տարածքներից, բայց դա վերաբերել է, հավանաբար, Լադաքի Դաշնային Տարածքում սոսկ Գալվան գետի հովտին: Հուլիսի 6-ին այս տեղեկատվությունը տարածել է NDTV հեռուստաալիքը:
«Հնդկական եւ չինական զորքերի փոխադարձ դուրսբերումը կայացել է, բայց, ամենայն հավանականությամբ, սահմանափակվել է Գլվան գետի հովտով: Հնդկական եւ չինական զորքերի միջեւ բուֆերային գոտի Է ստեղծված»,- հավելել է հեռուստաալիքի զրուցակիցը:
Զորքերի հեռացումը տեղի է ունեցել հունիսի 30-ին այն կոնսուլտացիների ընթացքում ձեռք բերված համաձանությանը համապատասխան, որոնք վարել են Հնդկաստանի ցամաքային զորքերի 14-րդ զորազմի հրամանատար Խարինդեր Սինգհը եւ Չինաստանի ժողովրդա-ազատագրական բանակի Հարավային Սինցզյանի ռազմական օկրուգի հրամանատար գեներալ Լյու Լինը:
Դա երրորդ նման հանդիպումն էր հունիսի 6-ից ի վեր: Լադաքում իրադրությունը սրվել Է այն բանից հետո, երբ մայիսի 5-ին այնտեղ ընդարումներ տեղի ունեցան շուրջ 250 չինացի եւ հնդիկ զինվորների միջեւ: Երկուստեք վիրավորվեց ավելի քան 100 մարդ: Հունիսի 15-ի լույս 16-ի գիշերը Լադաքի Գալվան գետի շրջանում տեղի ունեցան նոր ընդհարումներ հնդիկ եւ չինացի զինվորականների միջեւ:
Հնդկաստանի բանակային աղբյուրների տվյալներով՝ Հնդկաստանի առնվազն 20 զինծառայող է զոհվել, 76-ը՝ վիրավորվել: Հնդկական կողմը նաեւ պնդում է, որ ընդհարումների ժամանակ զոհվել եւ տուժել է շուրջ 45 չինացի զինվոր, հաղորդել է ՏԱՍՍ-ը: