Միացյալ Նահանգների Հիվանդությունների վերահսկման և կանխարգելման կենտրոնները (CDC) սահմանել են կորոնավիրուսային վարակի ռիսկի վայրեր: Համապատասխան ուսումնասիրությունը հրապարակվել է կազմակերպության կայքում:
Աշխատությունում ասվում է, որ վարակվելու առավելագույն ռիսկ են պարունակում մարդկանց կուտակման վայրերը՝ գրասենյակները, կինոթատրոնները, համերգասրահները եւ կրոնական հաստատությունները:
Միեւնույն ժամանակ մաքուր օդում կամ մակերեւույթով շփման միջոցով հիվանդանալու հավանականությունը շատ ցածր է: Նաեւ նշվում է, որ հասուն մարդուն վարակվելու համար անհրաժեշտ է, որ նրա օրգանիզմ ներթափանցեն վիրուսի հազարավոր մասնիկներ:
Ըստ հեղինակների հաշվարկների, շնչելու ժամանակ վարակակիրը արտազատում է մոտ 20 վիրուսային մասնիկ րոպեում, խոսելու ընթացքում՝ մոտ 200, իսկ հազալու եւ փռշտալու ժամանակ՝ 200 միլիոն:
Հունիսի 14-ի դրությամբ աշխարհում գրանցվել է կորոնավիրուսով վարակվելու 7,8 մլն դեպք: 431,1 հազար մարդ մահացել է, 3,7 մլն-ը՝ լիովին ապաքինվել են:
