Իսպանական Անդալուսիայի շրջանի իշխանությունները Բելգիայի արքայազն Յոահիմին տուգանել են 10,4 հազար եվրոյի չափով՝ երկրում կարանտինի կանոնները խախտելու համար, հայտնում է Reuters- ը:
Գործակալության տվյալներով՝ 28-ամյա արքայազնը որոշել է մի քանի երեկույթների մասնակցել Կորդոբայում, ինչից հետո իրեն վատ է զգացել: Ավելի ուշ, կորոնավիրուսի նրա թեստի պատասխանը դրական է եղել։
Այդ երեկույթներից մեկին 27 մարդ է մասնակցել, չնայած, որ Իսպանիայում ներկայիս գործող կանոնների համաձայն արգելվում է հավաքվել ավելի քան 15 հոգանոց խմբերով:
Արքայազն Յոահիմը Բելգիայի Արքայադուստր Ասթրիդի որդին է և Բելգիայի Ֆիլիպ թագավորի եղբորորդին: Նա Իսպանիա էր եկել ուսումնական պրակտիկա անցնելու համար:
