Մինսկը պնդում է, որ վերանայվեն ռուսական գազի գները: Այս մասին հաղորդել է ՏԱՍՍ-ը՝ վկայակոչելով Բելառուսի էներգետիկայի նախարարության մամուլի ծառայությանը:
Բելառուսական կողմը նման պահանջ է ներկայացրել երկու երկրների էներգետիկայի գերատեսչությունների ղեկավարների միջև տեսակապի միջոցով բանակցությունների արդյունքում, որտեղ բարձրացվել են ընթացիկ տարում ռուսական գազի մատակարարման հարցերը:
«2020 թվականի վերջին ժամանակահատվածում նկատվել է Եվրոպա մատակարարվող ռուսական գազի գների իջեցման միտում ինչպես հանպատրաստից, այնպես էլ երկարաժամկետ պայմանագրերի դեպքում»,- ասվում է մամուլի ծառայության հաղորդագրության մեջ:
Նրանք նշել են, որ այդ պատճառով Բելառուսը ևս մեկ անգամ նշել է հանրապետության համար գազի գների վերանայման անհրաժեշտությունը:
