Շվեդիայում կորոնավիրուսով վարակվածների շրջանում մարտի 13-ից հետո առաջին անգամ մեկ օրվա ընթացքում ոչ մի մահ չի գրանցվել։
Այդ մասին հաղորդում է «Եվրոպական ճշմարտությունը»՝ վկայակոչելով DW-ին:
Առողջապահության նախարարության տվյալներով՝ վերջին 24 ժամվա ընթացքում հաստատվել է 31 նոր դեպք: Համաճարակի սկսվելուց ի վեր վարակվել է ընդհանուր առմամբ 37.542 մարդ:
Անցած շաբաթվա ընթացքում Շվեդիայում կորոնավիրուսից մահացության դեպքերի թիվը նվազել է, բայց երկիրը COVID-19-ից մեկ շնչի հաշվով առավելագույն թվով մահերի պատճառով Եվրոպայում առաջիններից է համարվում:
Շվեդիայում հաստատվել է կորոնավիրուսից մահացության 4395 դեպք: