Ամերիկյան Դետրոյթ քաղաքում 1 մարդ զոհվել, ավելի քան 40-ը ձերբակալվել են Մինեապոլիսում ոստիկանի կողմից աֆրոամերիկացու սպանությունից հետո բողոքի ցույցերի ընթացքում: Այս մասին հաղորդում է Detroit News թերթը՝ վկայակոչելով տեղի ոստիկանության պետ Ջեյմս Քրեյգին:
Նրա խոսքերով՝ մեկ մարդ է զոհվել, երբ անհայտ անձինք մեքենայից կրակ են բացել ամբոխի ուղղությամբ:
Այս պահին ոստիկանությունը չի պարզել կրակողի ինքնությունը, սակայն Քրեյգը պնդում է, որ նա իրավապահ չի եղել:
Հիշեցնենք, որ սևամորթ տղամարդու մահից հետո ԱՄՆ-ի Մինեապոլիս քաղաքում զանգվածային բողոքի ցույցեր և ոստիկանության հետ բախումներ են սկսվել:
