Հուլիսի 22-ին ժամը 07:20-ին տեղեկատվություն է ստացվել, որ հուլիսի 21-ին` ժամը 16:30-ի սահմաններում, Արագածոտնի մարզի Աշտարակ-Ապարան ավտոճանապարհի 17-րդ կմ-ում տեղի է ունեցել ճանապարհատրանսպորտային պատահար՝ կան տուժածներ:
Դեռևս չպարզված հանգամանքներում բախվել են «Ֆորդ Տրանզիտ» մակնիշի 18 ՍԼ 522 պետհամարանիշով եւ «ԲՄՎ» մակնիշի 12 ՏԼ 273 պետհամարանիշով ավտոմեքենաները, ինչի հետևանքով վարորդներ 1986 թ. ծնված Հայկ Գրիգորյանը և 1956 թ. ծնված Էդուարդ Արշակյանը տարբեր աստիճանի մարմնական վնասվածքներով հոսպիտալացվել են Աշտարակ քաղաքի հիվանդանոց: Հ.Գրիգորյանը, ստանալով առաջին բուժօգնություն, դուրս է գրվել, իսկ Է.Արշակյանը տեղափոխվել է Երևան քաղաքի «Էրեբունի» բժշկական կենտրոն: Նրա առողջական վիճակը բժիշկների կողմից գնահատվել է ծանր:
