Այս օրերին որոշ լրատվամիջոցներ մտահոգություն են հայտնում, թե արտակարգ դրության պայմաններում իրենց աշխատանքը բարդացել է։ Նշում են, որ նախատեսված սահմանափակումներն ու արգելքները պարզ, հստակ չեն։ Infocom.am կայքի լրագրող Արփի Ավետիսյանը կիսում է այդ մտահոգությունները, նշում՝ «խուճապ առաջացնող հրապարակում» եզրույթը չունի հստակություն, կամայականության առումով դեպքեր ունենք։ Լրագրողը գտնում է, որ քննադատությունները չպետք է սահմանափակվեն։