Բարձրագույն դատական խորհուրդը փետրվարի 27-ին մասնակի բավարարեց առաջին ատյանի դատարանի դատավոր Արայիկ Մելքումյանին կարգապահական պատասխանատվության ենթարկելու հարցը։ Արայիկ Մելքումյանն ընդգրկվեց դատավորների ռեզերվում։ Հիշեցնենք, որ 2019 թվականի փետրվարին Երևանի ընդհանուր իրավասության դատարանի դատավոր Արայիկ Մելքումյանի լիազորությունները դադարեցվել են ԲԴԽ-ի կողմից։ Արայիկ Մելքումյանը ԲԴԽ-ի որոշման սահմանադրականության հարցով դիմել էր Սահմանադրական դատարան, որն էլ ԲԴԽ որոշումը ճանաչել էր հակասահմանադրական։
Երեկ դուք նշել եք, որ այս գործի հետ կապված Սահմանադրական դատարանը փաստացի զրկեց ժողովրդին դատավորների լիազորությունները դադարեցնելու իրավունքից, ինչպե՞ս․ «Առաջին լրատվական»-ի հարցին Բարձրագույն դատական խորհրդի անդամ Հայկ Հովհաննիսյանը պատասխանեց․ «Նախ, ես իմ հատուկ կարծիքում անդրադարձել եմ մի քանի հարցերի, որոնց պատասխանը կօգնի բոլորիս ունենալ իրական անկախ, անկողմնակալ, անաչառ դատական իշխանություն ու դատարաններ։ Այսինքն՝ այս մասնավոր գործի հիման վրա ես կառուցել եմ իմ տեսությունը։
Ինչպես գիտեք՝ ժողովրդին է պատկանում իշխանությունը։ Այդ իշխանությունը ժողովուրդն իրացնում է կամ ուղիղ ընտրությունների միջոցով՝ հանրաքվե, ընտրություններ, կամ պետական տեղական մարմինների միջոցով։ Հիմա տվյալ դեպքում ԲԴԽ-ն մի գործիք է, որով ժողովուրդը նաև կարողանում է վերահսկել անկախ համարվող դատական իշխանությանը, որպեսզի դատարանները գործեն անկախ, անկողմնակալ, դատավորները չկատարեն այնպիսի արարքներ, որոնք անհամատեղելի են նրանց պաշտոնի հետ»։
Մանրամասները՝ տեսանյութում։
