Լուրեր
Աչքովս էլ տեսնեմ, որ Փաշինյանը կաշառք է վերցնում, չեմ հավատա. Վահրամ Թոքմաջյան

ԱԺ-ում փետրվարի 24-ին տեղի ունեցան «Բարձրագույն կրթության և գիտության ոլորտի օրենսդրական բարեփոխումներն ու հիմնախնդիրները» թեմայով լսումներ:  Մասնակցում էին ԱԺ պատգամավորներ, գործադիր մարմնի պատասխանատուներ, կրթության ոլորտի մասնագետներ, թեմայով հետաքրքրված քաղաքացիներ։ Նշվեց, որ նախագիծը բազմիցս քննարկվել է, և այն հեղափոխական փոփոխություններ է նախատեսում կրթության և գիտության ոլորտում:

Թեմայի շուրջ «Առաջին լրատվական»-ի հետ զրույցում պատմաբան Վահրամ Թոքմաջյանը նշեց, որ ֆունդամենտալ փոփոխություններ կրթության, առավել ևս գիտության ասպարեզում չկան. «Մեխանիկական շրջափուլի մեջ ենք՝ սկսած հանրակրթության ստորին շեմից՝ մանկապարտեզներից, վերջացրած գիտության բարձրագույն շեմով՝ գիտության ակադեմիայով: Նախորդ ժամանակաշրջանի մոտեցումները, վարք ու բարքերը, ընկալումները մնացել են: Փոփոխություններ միայն օրենսդրական կարգավորումներով չէ, որ պետք է լինեն»:

ԱԺ-ում քննարկվող փոփոխությունների փաթեթը, ըստ պատմաբանի, ունի դրական և բացասական կողմեր: «Բայց ԱԺ քննարկման ժամանակ հուզականությունը, պաթոսը, շահարկումները այդպես էլ թույլ չտվեցին, որ անդրադարձ կատարվի բովանդակությանը… Օրենքի նախագծում կան որոշ կարգավորումներ, որոնք ինձ հաճո են, մյուս կողմից՝ կան նաև զգուշավոր կարգավորումներ…»:

«Եթե մենք բուհական համակարգում շարունակելու ենք մնալ որպես սպառող, այսինքն՝ բուհերը նայելու են պետության ձեռքին, մենք չենք կարող ունենալ կրթության և գիտության զարգացում»,- ընդգծեց մեր զրուցակիցը:- Կրթության որակի անկում ենք ունեցել բուհական համակարգում: Բուհերը դարձել են վարձ հավաքող «գրպանահատներ»՝ մեկ-երկու բացառությունները չհաշված: Կարծում եմ՝ բուհական համակարգը շոկի ենթարկելու լուծումներից է որակյալ մասնավոր բուհեր ունենալը, ինչը մրցակցություն կստեղծի»:

 

Մանրամասն՝ տեսանյութում:

  • Դիտումներ՝ *