Մասնակցելո՞ւ եք ապրիլի 5-ին կայանալիք սահմանադրական հանրաքվեին․ «Առաջին լրատվական»-ի հարցին ի պատասխան հարցմանը մասնակցած քաղաքացիներից շատերը դրական պատասխան տվեցին ու միևնույն ժամանակ տեղեկացրին, որ «Այո» են քվեարկելու, քանի որ կողմնակից են Սահմանադրական Դատարանում օրենսդիր և գործադիր իշխանությունների նախաձեռնած փոփոխություններին։
«Միանշանակ կողմ եմ ասելու, որովհետև Սահմանադրական Դատարանում հեղափոխությունից հետո էլ շարունակում են աշխատել նախկին իշխանություններից մնացած մարդիկ, որոնք պետք է հեռանան․ սահմանադրական կարգի հաստատում, ՍԴ-ի ճիշտ աշխատելաոճ պետք է լինի այս երկրում»,- ասաց քաղաքացիներից մեկը։
Մեկ ուրիշն էլ իր հերթին ընդգծեց․ «Իհարկե մասնակցելու եմ այդ հանրաքվեին ու «այո» եմ քվեարկելու, որովհետև սա տրամաբանական շարունակությունն է մեր երկրում տեղի ունեցած փոփոխությունների․ ներկայիս իշխանությունների իրականացրած բարեփոխումներն ինձ որոշ չափով գոհացնում են ու կարծում եմ, որ այս հանրաքվեն էլ դրանց շարքից պետք է լինի»։
Մանրամասները՝ տեսանյութում։
