«Մամուլի հետ սուրճ» հաղորդման փետրվարի 18-ի հյուրը լրագրող Արշալույս Մղդեսյանն է։
Մեր զրուցակիցն անդրադարձավ Մյունխենում Փաշինյան-Ալիև հանդիպմանը, նման ձևաչափով առաջին անգամ քննարկում անցկացնելու շուրջ հանրային արձագանքներին.«Իհարկե զուտ հանրային խոսքի տեսանկյունից՝ այն որ Ադրբեջանի ու Հայաստանի ղեկավարները մոտ 50 րոպե ազատ ոճով խոսում են, միմյանց քննադատում՝ աննախադեպ է։ Պարզ է, որ բուռն ու սուր արձագանքներ պետք է լինեին, հաշվի առնելով նաև այն, որ դա տեղի ունեցավ թոք-շոուի մակարդակով ընկալումների տարբեր խնդիրներ առաջացրեց։ Նաև կազմակերպիչների կողմից մեղավորություն կար, որովհետև նման քննարկում կազմակերպելիս գոնե վարորդը պետք է խնդրից տեղյակ մարդ լինի։ Եթե դուք հրավիրում եք երկու կողմերի ղեկավարներին, որոնք քիչ առաջ բանակցություններ էին վարում այդ թեմայով, պետք չէր թույլ տալ, որ նրանք գնան հասնեն պատմության խորքերը, այլ պետք է սկսեին խոսել այն մասին,թե հիմա, այսօր ինչ են քննարկում, ինչպես են փորձում հասնել լարվածության նվազմանն առաջնագծում»։
Հարցազրույցն ամբողջությամբ՝ տեսանյութում
