Հյուսիսային Կիպրոսի իշխանությունները լիարժեք իրավունք ունեն անցկացնելու Վարոսի (թուրքական անվանումը՝ Մարաշ) բնակավայրի (զբոսաշրջային հանգստավայր Ֆամագուստում, որը 1974 թվականից փակ է այցելությունների համար) բացման նախապատրաստություն: Այս մասին հայտարարել է Թուրքիայի փոխնախագահ Ֆուաթ Օքթայը:
Վարոսին պաշտպանված է ՄԱԿ-ի Անվտանգության խորհրդի 1984թ. բանաձևով, որում ասվում է, որ դատարկ քաղաքը կարող է բնակեցվել միայն նախասկզբնական բնակիչներով:
«Մարաշ շրջանի բացման նախապատրաստական աշխատանքները ապացույցն են այն բանի, որ թուրք կիպրացիները մտադիր չեն համաձայնելու տարածաշրջանում ստատուս-քվոյին: Մարաշ շրջանի բացումը դատարկ խոսքեր չեն»,- ասել է Օքթայը՝ ելույթ ունենալով «Մարաշ շրջանի բացման իրավական, քաղաքական և տնտեսական ասպեկտները» թեմայով նիստին: Նրա խոսքերը մեջբերում է Anadolu գործակալությունը:
Թուրքիայի փոխնախագահի խոսքով՝ «Մարաշ շրջանը Հյուսիսային Կիպրոսի Թուրքական Հանրապետության մասն է, թուրք կիպրացիները լիարժեք իրավունք ունեն գործի դնելու բոլոր անհրաժեշտ միջոցները՝ ապահովելու համար իրենց հայրենիքի կայունությունը և տնտեսական զարգացումը»: