Մերձբալթյան հանրապետության նախագահ Գիտանաս Նաուսեդան հայտարարել է, որ ՆԱՏՕ-ն օգնում է Լիտվային արդյունավետորեն «զսպել» Ռուսաստանին։ Այս մասին գրում է Sputnik-ը՝ հղում կատարելով պետության ղեկավարի վարչությանը:
Նաուսեդան նշել է, որ երկիրը չէր կարողանա «արդյունավետորեն զսպել ռուսական սպառնալիքը» առանց ԱՄՆ-ի և ՆԱՏՕ-ի այլ դաշնակիցների օգնության: Նախագահի կարծիքով՝ Լիտվայում անհրաժեշտ է Հյուսիսատլանտյան Դաշինքի ուժերի առավելագույն պատրաստվածություն: Նա նաև նշել է Լիտվայի զինված ուժերի հետ ՆԱՏՕ-ի զորախմբի համատեղ զորավարժությունների շարունակական ուսուցման և մասնակցության անհրաժեշտությունը։