Փետրվարի 8-ին ԱՄՆ Կոլոդարո նահանգի Սթիմբոութ-Սփրինգս քաղաքում գործարկվել է աշխարհի ամենամեծ հրավառությունը՝ ի պատիվ ամենամյա ձմեռային կառնավալի: Մեկնարկին ներկա է գտնվել Գինեսի ռեկորդների գրքի պաշտոնական ներկայացուցիչը, որը հաստատել է նոր ռեկորդի սահմանումը:
Գործարկված հրավառությունը կշռել է մոտ 1270 կգ (մոտավորապես այդքան է կշռում Toyota Corolla-ն) և արձակվել է լեռան վրայից՝ ութ մետրանոց թաղված պողպատե խողովակից: Թիմ Բորդենը և իր թիմը շուրջ յոթ տարի են ծախսել հրավառության ստեղծման վրա, որը պայթել է 482.7 կմ/ժամ արագությամբ:
Անցյալ տարի Բորդենի թիմը փորձել էր համաշխարհային ռեկորդ սահմանել, բայց հրավառությունը ժամանակից շուտ էր պայթել:
Համաշխարհային վերջին ռեկորդը սահմանվել է 2018 թ.-ին Արաբական Միացյալ Էմիրություններում. օդ է արձակվել մոտ 1087 կգ քաշով արկ:
