Թեթևշարժիչային ինքնաթիռի կործանման հետևանքով ուղևորներն ընկել են օվկիանոսը և հրաշքով ողջ մնացել: Դեպքի վսյրից տեսանյութ է հրապարակել Daily Mail պարբերականը:
Թեթև շարժիչով ինքնաթիռը կործանվել է Ավստրալիայի արևելյան ափերի մոտ` Ֆրեյզեր կղզուց հարյուր մետր հեռավորության վրա: Տեսանյութում երևում է, թե ինչպես է փրկարարական բաճկոններով մի քանի մարդ դուրս լողում ջրից և հանգստացողների օգնությամբ շարժվում դեպի ափ:
«Հույս ունեմ, որ նրանցից բացի ինքնաթիռում այլ մարդ չի եղել: Իսկ եթե եղել են, ապա նրանք, հաստատ, մահացել են»,- մեկնաբանում է տեսանյութի հեղինակը:
Նշվում է, որ ափին նրանց սպասել է երկու բժիշկ:
Ծովային անվտանգության ավստրալական վարչության ներկայացուցչի խոսքով` նախքան կործանվելը, ինքնաթիռից տագնապի ազդանշան է ուղարկվել: Այս պահին ոստիկանությունը դեպքի առիթով հետաքննություն է իրականացնում: