Իրանի ԱԳՆ պաշտոնական ներկայացուցիչ Աբբաս Մուսավին, մեկնաբանելով ԱՄՆ նախագահ Դոնալդ Թրամփի պարսկերեն հայտարարությունը, հայտարարել է, որ «կեղտոտ լեզուները» իրավունք չունեն «անպատվել» պարսկերենը:
«Սպառնալիքներով, պատժամիջոցներով և ահաբեկչությամբ կեղտոտված ձեռքերն ու լեզուները իրավունք չունեն անպատվել հնագույն պարսկերեն լեզուն։ Ի դեպ, դուք իսկապես «կանգնա՞ծ եք» միլիոնավոր իրանցիների կողքին, որոնց հերոսին սպանեցիք, թե՞ դուք «դեմ եք» նրանց», – գրել է Մուսավին Twitter-ի իր միկրոբլոկում:
Հիշեցնենք, որ շաբաթ օրը Թրամփը Twitter-ի իր միկրոբլոկում աջակցության խոսքեր էր հղել իրանցի ցուցարարներին՝ պարսկերենով: Նա իրանցիներին անվանել է տառապյալ, բայց համարձակ ժողովուրդ՝ հավելելով. «Ես կանգնած եմ ձեր կողքին իմ նախագահության առաջին իսկ օրվանից, և իմ ղեկավարությունը մշտապես կլինի ձեր կողքին: Մենք շատ ուշադիր հետևում ենք ձեր բողոքի ցույցերին և հիացած ենք ձեր քաջությամբ»: