ԱԱԽ քարտուղարի պաշտոնից հրաժարական ներկայացրած ՕԵԿ նախագահ Արթուր Բաղադասարյանը ձեռնունայն չի հեռանում իշխանությունից: 6 տարիների ընթացքում կայացավ նրա բիզնեսը՝ Աշտարակի «Հայասի» կոնյակի ու հյութերի գործարանը: Որն, ի դեպ, Արթուր Բաղդասարյանը չի հայտարարագրել: Այսօր հրավիրած ասուլիսում Բաղդասրյանը հայտարարեց, որ միայն այդ սեփականությունն ունի, որը զոյից կայացրել է որպես բիզնես, ընդ որում, վարկերով:
«Բա ո՞նց ապրեի, 250 հազար դրամ աշխատավարձով»,-«Առաջին լրատվականի» հարցին հակադարձել է Բաղդասարյանը:
Նշենք, որ 2012 թ-ի հայտարարգով՝ Արթուր Բաղդասարյանն ունի 215,3 ք/մ մակերեսով բնակարան` Երևանի Բայրոնի 3 հասցեում: Նույն հասցեում ունի նաև ավտոտնակ` 34,8 ք/մ մակերեսով:
Նախորդ խորհրդարանական ընտրություններում ներկայացրած հայտարարագրի համաձայն, Բաղդասարյանը ոչ մի սեփականություն չի ունեցել:
Նրա հաջորդ ձեռքբերումը «ՎԱԶ 2121» մակնիշի ավտոմեքենան է, որը ևս նախկինում չի եղել: Ըստ հայտարարգրի՝ նրան է պատկանում «Գավեքս» ՍՊԸ-ի 100 տոկոսը: 2012-ի մարտի 1-ի դրությամբ, նրա բանկային հաշիվներին եղել է 5 մլն դրամ և 20 հազար դոլար:
Որոշ տեղեկություններով՝ Երեւանի Կենտրոնում ծաղկում է նաեւ նրա եղբոր բիզնեսը:
Մանրամասները դիտեք տեսանյութում:
