Նահանգներում անշարժ գույքի շուկայում իսկական իրարանցում է առաջացել: 26-ամյա Ռիհաննան որոշել է վաճառել մեկ տարի առաջ գնած տունը: Այլ հայտնիներ նույնպես գնում, վաճառում և վարձով են տալիս իրենց անշարժ գույքերը, գրում է eg.ru-ն:
1. Կալիֆորնիական Մեծ Լոս Անջելես Փասիֆիկ-պելիսեյդս վայրում գտնվող առանձնատան համար Ռիհաննան 15 միլիոն դոլար է պահանջում: Միայն մեկ տարի առաջ նա այն գնել է 11,9 միլիոն դոլարով, իսկ հիմա ցանկանում է միանգամից 3 միլիոն վաստակել: Սակայն այդ քայլին նրան ոչ միայն շահույթ ստանալու ցանկությունն է դրդում. Հսկայական տանը ոչ ամուսին, ոչ երեխաներ ունեցող Ռիհաննան իրեն միայնակ է զգում և միայն մի քանի անգամ է այնտեղ եղել: Նա նախընտրում է Նյու Յորքում գտնվող փենթհաուսը, իսկ Կալիֆորնիայում գտնվող տունը ամսական 65 հազար դոլարով վարձով է տվել:
2. 46-ամյա Սելին Դիոնը ընդհակառակն, սկզբնական շրջանում առաջադրված գնից նվազեցրել է իր առանձնատան համար պահանջվող գումարը: Երբ երեք լողավազաններով, մասնավոր լողափով, թենիսի դաշտով և 13 ննջարաններով Jupiter Island առանձանատունը 72,5 միլիոն դոլարով ոչ ոք չի ցանկացել գնել, երգչուհին դրա գինը նվազեցրել է մինչև 10 միլիոն դոլար:
3. 41-ամյա կինոասղ Սոֆիա Վերգարան ամենա բարձր վարձատրվող դերասանուհիներից է: Սոֆիայի ընկերը՝ գործարար Նիկ Լոեբը նույնպես աղքատ մարդ չէ: Այդ պատճառով էլ ոչ ոք չզարմացավ, երբ զույգը օրերս Բևերլի Հիլզում 10,6 միլիոն դոլար արժողությամբ տուն ձեռք բերեց: Տանը յոթ ննջարաններ, 11 լոգարաններ, գինու պահեստ կա, որը նախատեսված է 3 հազար շշի համար:
Շքեղ առանձնատան համար գումարներ չկան, սակայն ցանկանու՞մ եք գոնե մի քիչ հոլիվուդյան շքեղությամբ ապրել: Այդ դեպքում ձեր տրամադրության տակ է Խաղաղ օվկիանոսում գտնվող շքեղ առանձնատունը: Մինչև մահանալը դրա սեփականատերը Մարլոն Բրանդոն էր, իսկ հիմա այնտեղ հյուրանոց է գործում:
