Այսօր՝ նոյեմբերի 15-ին, Ազգային ժողովում շարունակում է քննարկվել 2020թ. բյուջեի նախագիծը:
«Ես կարծում եմ, որ մենք պետք է խնդիր դնենք ՀՀ տարածքում կառուցել նոր քաղաք՝ «կանաչ» քաղաք, 200-300 հազարանոց, որտեղ շենք-շինությունները կլինեն գերժամանակակից»,- հայտարարեց «Իմ քայլը» խմբակցության պատգամավոր Վիկտոր Ենգիբարյանը:
Խոսելով այլ հավակնոտ ծրագրերի մասին՝ նա անդրադարձավ նոր ԱԷԿ-ի, ջրամբարների կառուցմանը:
Պատգամավորի խոսքով՝ Երևանի շենքերը 60-70 տարվա են. «Սա նաև անվտանգության խնդիր է, և պետք է կառուցել հարյուրավոր նոր շենքեր»:
«Այս ամենը հնարավոր չի լինի, եթե մենք չներգրավենք նոր արտաքին ֆինանսական միջոցներ կամ չավելացնենք արտաքին պարտքը:
Մանրամասները՝ տեսանյութում:
