Սիրիայի ընդդիմադիրները սկսել են կիրառել ամերիկյան հակատանկային զենք

Սիրիայի ընդդիմադիրներն արդեն ստացել են ամերիկյան արտադրության առնվազն 20 հակատանկային հրթիռային համալիրներ և դրանք կիրառել ընդդեմ կառավարական զորքերի: Այս մասին գրում է France Presse-ը` վկայակոչելով սիրիական ընդդիմադիր «Հազմ» շարժմանը:

Ըստ անանուն զրուցակցի` հրթիռները ստացվել են արևմտյան աղբյուրից:

Գործակալությունն ընդգծում է նաև, որ գրոհայինները ոչ միայն 20 միավոր զենք են ստացել, այլև նրանց սովորեցրել են դա կիրառել: