2019թ.-ի Վենետիկի կինոփառատոնի Ոսկե առյուծի դափնեկիր «Ջոկեր» ֆիլմը, որի ռեժիսորը Թոդ Ֆիլիփսն է, իսկ գլխավոր դերում հանդես է եկել Խոակին Ֆենիքսը, պաշտոնապես դարձել է աշխարհի ամենաեկամտաբեր ֆիլմը, որը նկարահանվել է կոմիքսների գրքի հիման վրա:
«Ջոկերը» վաստակել է ավելին, քան Ջիմ Քերիի մասնակցությամբ «Դիմակ» ֆիլմը, որը 25 տարվա ընթացքում ամենաշահութաբեր կինոկոմիքսն էր: 23 մլն դոլար բյուջեով այն վաստակել է 351 մլն դոլար՝ 15.2 անգամ ավելի շատ, քան բյուջեն։
«Ջոկերն» ավելի վաղ R վարկանիշով դարձել էր ամենահասութաբեր ֆիլմը՝ 17 տարեկանից սկսած հանդիսատեսի համար և ընդգրկվել է DC-ի ամենահաջողակ կինոկոմիքսների քառյակում:
Forbes-ի տվյալներով այն նաև ամենաքիչ գումար ծախսած ֆիլմերի ցուցակում երրորդ տեղն է զբաղեցրել, որոնք ավելի քան 900 մլն դոլար են վաստակել։ Դրանցից ավելի հաջողակը «Բոհեմյան ռապսոդիան» է՝ 52 մլն դոլար բյուջեով վաստակել է 905 մլն դոլար և օրիգինալ «Առյուծ արքան», որը 968 մլն դոլար է հավաքել՝ 55 մլն բյուջեով:
