Այսօր՝ նոյեմբերի 12-ին, ԱԺ հայտարարությունների ժամին «Իմ քայլը» խմբակցության պատգամավոր Արթուր Հովհաննիսյանը հայտարարեց, որ իշխող քաղաքական ուժի նկատմամբ իրականացվում է տեղեկատվական տեռոր. «Կայքերով, հեռուստատեսությամբ և ռադիոյով ամենաստոր կերպով խաբում են մեր քաղաքացիներին՝ իշխող քաղաքական ուժի ցանկացած՝ անգամ նեղ ոլորտային որոշումներին տալով քաղաքական երանգ»:
Նրա խոսքով՝ Ստամբուլյան կոնվենցիան, «Եկեղեցու պատմություն» ու «Հայոց պատմություն» առարկաները մեկ առարկա դարձնելը և այլ շատ հարցեր պետք է քննարկվեն մասնագիտական հարթակներում. «Եվ քննարկումը պետք է լինի բովանդակության շուրջ: Սակայն կրթությունից, մարդու իրավունքներից խոսում են մարդիկ, որոնք ոչ վաղ անցյալում ՀՀԿ-ականների հետ նախարարություններ էին իրար մեջ բաժանում: Խոսքի ազատությունից խոսում են մարդիկ, որոնք ժամանակին ազատ խոսքին պատասխանել են բռունցքներով կամ ճաղավանդակներով: Լրագրությունից խոսում են մարդիկ, որոնց համար բուրգը շրջված եգիպտական բուրգն է: ԼԳԲՏ համայնքից խոսում են մարդիկ, որոնք դրանից քիչ առաջ են դուրս եկել ԼԳԲՏ հավաքից»:
Պատգամավորը նշեց, որ ֆեյք լուրերը հաղթում են քանակական առումով, ինչը հնարավոր է դառնում ֆինանսական մեծ ռեսուրսների միջոցով. «Մեր առաքելությունը ճշմարտության համար մղվող պայքարն է»:
Մանրամասները՝ տեսանյութում:
