Եվրամիության կայքի տեղեկատվությամբ՝ Եվրամիությունը պաշտոնապես հաստատել է Ուկրաինային տրամադրելիք 1 մլրդ եվրո օգնության փաթեթը: Միջոցները հատկացվում են Ուկրաինայի ժամանակավոր կառավարությանն օգնելու հաղթահարել երկրի ֆինանսական խորը խնդիրները, մեկնաբանում է ԵՄ-ն:
ԵՄ անդամ երկրների արտգործնախարարները համաձայնություն են ստորագրել ուկրաինական ապրանքների մաքսային տուրքերը նվազեցնելու մտադրության մասին, ինչի շնորհիվ երկիրը տարեկան մոտ 500 մլն եվրո կխնայի:
Միևնույն ժամանակ, Ուկրաինայի 18 քաղաքացիների թվին, որոնց վրա տարածվում են վիզային պատժամիջոցներն ու ակտիվների սառեցումը, 4 մարդու անուն է ավելացվել: Նրանց անուններն առայժմ չեն հրապարակվում, բայց եվրոպացի դիվանագետների խոսքով՝ խոսքն Ուկրաինայի քաղաքացիների մասին է, որոնք պետական ակտիվներ են գողացել: