«Դա թերևս այն է, ինչին մենք ձգտում ենք։ Ես կսպասեի ամբողջ տարվա ցուցանիշներով վերլուծություն անելու համար, բայց միտումը, որ կա առաջին ութ ամիսներին, ուրախալի է։ Այսինքն՝ ավելի քիչ աճող տեմպերով ենք ներմուծում իրականացնում, ավելի շատ ենք արտահանում և ավելի շատ արտադրում։ Սա հենց այն է, ինչին մենք ուզում ենք հասնել»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Հայկ Գևորգյանը՝ անդրադառնալով խնդրին, որ այս տարի Հայաստանի ներմուծումն ավելի դանդաղ տեմպերով է աճում, քան արտահանումը։
Նրա խոսքով՝ առաջին հերթին սննդի արդյունաբերության ոլորտում ունենք կտրուկ աճ, սա նշանակում է, որ այն սննդամթերքը, որը նախկինում ներմուծում էինք, հիմա արդեն այստեղ ենք արտադրում և նաև արտահանում ենք։