Իտալիայի ՆԳՆ ղեկավար Անջելինո Ալֆանոն հայտարարել է, որ իտալացի փրկարարները վերջին 48 ժամում մոտ 4.000 անօրինական միգրանտի են փրկել, որոնք փորձել են նավակներով Միջերկրական ծովով Եվրոպա հասնել՝ հայտնում է BBC-ի ռուսական ծառայությունը:
Նա ԵՄ-ին կոչ է արել միջոցներ ձեռնարկել՝ դադարեցնելու «մահվան առևտրով» զբաղվողների գործունեությունը, որոնք կազմակերպում են նավակներով Հյուսիսային Աֆրիկայից Եվրոպայի հարավ միգրանտների տեղափոխությունը:
Փրկվածների թվում են՝ Սիցիլիայի ափերի մոտ վթարի ենթարկված նավակի ուղևորները, որոնց թվում կանայք և երեխաներ են եղել: Վթարի ենթարկված նավն ուղղաթիռից ոստիկաններն են նկատել:
