Ի պատիվ Աղջիկների միջազգային օրվա՝ Մեգան Մարքլը Instagram-ում «ոգեշնչող տեսանյութ» է հրապարակել Սասեքսի դքսի և դքսուհու պաշտոնական էջում: Նա նաև գրառում է արել, որում ասվում է, որ սա այն օրն է, երբ աղջիկները պետք է գիտակցեն «իրենց արժեքը», և երբ պետք է նրանց աջակցել ապագայում դառնալու այնպիսի կանայք, ինչպիսին ցանկանում են լինել:
Տեսանյութում Մեգանը նախկինում չհրապարակված կադրեր է ներառել, որոնցում նա ելույթ է ունենում Աֆրիկա կատարած վերջին այցի ժամանակ, հանդիպում է դպրոցականների հետ, ինչպես նաև արխիվային տեսանյութ, որում դպրոցական Մեգանն իր ելույթի ընթացքում ասում է. «Եթե տեսնում եք մի բան, որը ձեզ դուր չի գալիս, եթե ձեզ վիրավորում են՝ նամակներ գրեք և ուղարկեք դրանք ճիշտ մարդկանց, և նրանք կարող են օգնել ձեզ, ոչ միայն իրենց իսկ համար, այլև շատ այլ մարդկանց համար»:
https://www.instagram.com/p/B3eY2JWFjK4/?utm_source=ig_embed&utm_campaign=dlfix
