Ավելի քան 14 ժամ տևած մամլո-մարաթոնի ընթացքում Ուկրաինայի նախագահ Վլադիմիր Զելենսկին ավելի քանբ 500 հարցի է պատասխանել, ասվում է Նախագահի գրասենյակի հաղորդագրության մեջ, Facebook-ում, հոկտեմբերի 11-ին:
Մամլո ասուլիսին ներկա է եղել ավելի քան 300 լրագրող:
«Դրանք գլխավորին առնչվող հարցեր էին: Բոլորին պատասխանել եմ»,- մամուլի մարաթոնը այսպես է մեկնաբանել Զելենսկին:
Նախագահը նշել է, որ հարցերին անկեղծ է պատասխանել, «սակայն որոշներին, հավանաբար, ոչ այնպես, ինչպես ոմանք կցանկանային»:
Նա նաև շնորհակալություն է հայտնել հանդիսատեսին և լրագրողներին:
Հիշեցնենք, որ մամուլի ներկայացուցիչների հետ Զելենսկու հանդիպումը տեղի է ունեցել Kyiv Food Market-ում: Հստակեցվում է, որ սա Ուկրաինայի նախագահի առաջին պաշտոնական ծավալուն մամուլի ասուլիսն էր, որը 14 ժամ է տևել և համաշխարհային ռեկորդ է սահմանել իր տևողությամբ: