Արձակագիր Վահրամ Մարտիրոսյանն այսօր ևս մասնակցում էր «Հրազդան» հյուրանոցում կազմակերպված մի խումբ հասարակական-քաղաքական գործիչների քննարկմանը, որի ընթացքում ներկաներն իրենց մտահոգությունն էին հայտնում Հայաստանի՝Մաքսային միությանն անդամակցելու կապակցությամբ:
Վահրամ Մարտիրոսյանն առաջարկեց ստեղծել համակարգող խորհուրդ՝ կազմակերպությունների կամ անհատներիմասնակցությամբ, որոնք կպայքարենդրա դեմ: Ինքը ևս պատրաստ է մասնակցել.«Ես կուզենայի կուսակցություն ստեղծվեր, և դա պրովոկացիոն անուն ունենար կամ դեկլարատիվ ձևով արտահայտեր մեր դիրքորոշումը, որ ոչ մեկը չմտածի, թե մենք Ռուսաստան չենք ուզում, բայց ամաչում ենք դեպի Եվրոպա գնալ:
Ես երբեք կուսակցության անդամ չեմ եղել, բայց հիմա հայտարարում եմ, որ այս նպատակով պատրաստ եմ լինել: Ովքեր համարում են, որ Հայաստանի այս ընթացքը, այսինքն` ՄՄ գնալը աղետ է, այդ մարդիկ պետք է բուռն գործունեություն ձեռնարկեն»,- ասաց Մարտիրոսյանը:
Նա նաև ընդգծեց, որ Հայաստանում պրոռուսական ուղղվածությանը անհրաժեշտէ լուրջ հակակշիռ, իսկ դա չկա նույնիսկ քաղաքական դաշտում.«Ռուսաստանի մշակույթի նախարարը վերջերս Պուտինին ներկայացրեց մի հայեցակարգ, որում ներկայացվում է, որ Ռուսաստանը մի առանձին քաղաքակրթություն է: Նա այս քայլով հայտարարում է, որ մերժում է Հայաստանը՝ որպես քաղաքակրթության տեսակ: Դրա մասին որևէ արձագանք չեղավ Հայաստանում: Ես մի հոդված գրեցի, բայց դա արձագանք համարել չի կարելի՝ խոսքը քաղաքական արձագանքի մասին է»:
Մանրամասները՝ տեսանյութում:
