Ճապոնական ավտոմոբիլային Mazda Motor Corporation-ը ԱՄՆ-ից հետ կկանչի Mazda 6 մոդելի 42 հազար մեքենա: Այս մասին հաղորդում է ABC հեռուստաալիքը՝ հղում կատարելով Associated Press գործակալությանը:
Սարդերը սարդոստայն են հյուսել մեքենաների օդափոխման և վառելիքի համակարգերում: Ընդ որում՝ դրանք ընտրել են հենց 2010-2012թթ. արտադրության 2,5-լիտրանոց շարժիչով Mazda 6-ը: Ընկերությունը սարդերի մասին բազմաթիվ հաղորդագրություններ է ստացել: Արտադրողը կարծում է, որ սարդոստայնը կարող է օդափոխման համակարգի խցանման կամ վառելիքի թերայրման պատճառ դառնալ:
Ընկերությունը մտադիր է ստուգել յուրաքանչյուր հետ կանչված մեքենա և պարզել՝ արդյոք սարդերը կարող են մեքենայի խափանման պատճառ դառնալ: Ընդ որում, վերը նշված համակարգերի փչանալու և ոչ մի դեպք չի գրանցվել:
