Եվրոպայի խորհրդի խորհրդարանական վեհաժողովի համազեկուցողներ Աքսել Ֆիշերն ու Ջոն Պրեսկոտը հուլիսի 20-ին ժամանելու են Հայաստան: Այս մասին Արմենպրես գործակալությանն ասել է ՀՀ խորհրդարանի Եվրոպական ինտեգրացիայի հանձնաժողովի նախագահ Նաիրա Զոհրաբյանը:
Զոհրաբյանն ասել է, որ համազեկուցողները պատրաստվում են հանդիպել Հայաստանի իշխանությունների և ԵԽԽՎ-ում հայաստանյան պատվիրակության ներկայացուցիչների հետ: Խոսելով համազեկուցողների կողմից հոկտեմբերին ներկայացվելիք զեկույցի մասին՝ Զոհրաբյանն ասել է, որ ինքը լավատեսորեն է լցված և համոզված է, որ զեկույցը դրական է լինելու՝ իր լավատեսությունը բացատրելով երկրում տեղի ունեցող բարեփոխումներով և համաներմամբ, ինչպես նաև բարեփոխումներով, որոնք իրականացվում են ոստիկանությունում և արդարադատության համակարգում: