Համահյակկան 7-րդ խաղերի փակման արարողության ժամանակ ելույթով հանդես է եկել վարչապետ Նիկոլ Փաշինյանը:
«Համահյակկան 7-րդ խաղերի ուժեղ և դուխով մասնակիցներ, ողջունում եմ բոլորիդ:
Ահա և ավարտվեցին համահայկական 7-րդ խաղերը, որ վերջին 14 օրվա ընթացքում, բացման արարողությունից մինչև փակման արարողություն, մեծ բերկրանք պատճառեց բոլորիս: Կրկին և կրկին ուզում եմ շեշտել, որ մենք այս օրերին վայելեցինք միասին լինելու գերագույն հաճույքը, որովհետև այսպիսով արձանագրում ենք, որ որպես ազգ և որպես ժողովուրդ մեկ ենք և միասնական ենք՝ անկախ նրանից, թե աշխարհի որ մասում ենք ապրում: Այսօրվա փակման արարողությունը գալիս է խորհրդանշելու, որ աշխարհի բոլոր հայերի համար, յուրաքանչյուր հայի համար կա մեկ մայրաքաղաք և այդ մայրաքաղաքը Երևանն է:
Սիրելի´ հայրենակիցներ, համահայկական խաղերն այլևս անշրջելիորեն տեղ են զբաղեցնում Հայաստանի և հայության մարզական օրակարգում, հայ ժողովրդի հանրային կյանքի օրակարգում, Հայաստան-Արցախ-Սփյուռք հարաբերությունների օրակարգում, և սա կարևորագույն մի հարթակ է, որտեղ իսկապես անկախ կուսակցական պատականելությունից, անկախ քաղաքական հայացքներից, մենք զգում ենք որպես մեկ ամբողջություն, մեկ միասնականություն և համոզված եմ, որ Համահայկական 8-րդ խաղերին ավելի մեծ թվով մասնակիցներ ենք ունենալու», – ասաց վարչապետը:
Ելույթն ամբողջությամբ՝ տեսանյութում:
https://www.facebook.com/nikol.pashinyan/videos/514678389285048/
