Քոչարյանը թող գնա իրեն հատկացված տեղում կառավարի իր «տնտեսությունը». Հայկ Գևորգյան

«Քոչարյանի պատկերացումներով՝ կառավարչական, կազմակերպչականը համարում է իր գաղափարները չկիսող մարդկանց հարյուրներով բանտերը լցնել, ունեզրկել, բիզնեսով պետք է զբաղվեն միայն իր մտերիմները, իր երեխաները, հարևաններն ու բարեկամները, իսկ մնացածները իրավունք չեն ունենա դա անել, այն, ինչ ունեցել ենք տասը տարի: Տասը տարի շարունակ իր կազմակերպչական զեղումներն էին բերել նրան, որ հարյուրավոր մարդկանց փողոց շպրտեցին, որ մի քանի օլիգարխ շենքներ սարքեն Երևանի կենտրոնում: Եվ եթե այդպես է պատկերացնում, ուրեմն շատ սխալ է: Թող գնա իրեն հատկացված տեղում կառավարի իր «տնտեսությունը»»,- «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Հայկ Գևորգյանը՝ անդրադառնալով Քոչարյանի հարցազրույցին, որտեղ վերջինս, հիմնավորելով իր՝ քաղաքականություն վերադառնալու հայտը, ասել էր, որ մտադիր է հակադրել կառավարչական փորձը, երկրի տնտեսական ու սոցիալական զարգացման հայեցակարգային ծրագիր և կառավարիչների պրոֆեսիոնալ, կանխատեսելի թիմ ունենալ: