Մեծ Բրիտանիայի ԱԳ նախկին նախարար Բորիս Ջոնսոնը ռեկորդային 702 հազար ֆունտ է հավաքել՝ երկրի վարչապետի պաշտոնի համար պայքարելու նպատակով, փոխանցում է Reuters-ը։
Հստակեցվում է, որ այդ գումարի կեսից ավելին քաղաքական գործչին նվիրաբերել են ֆինանսիստները և գործարարները, որոնք աջակցել են Մեծ Բրիտանիայի՝ ԵՄ-ից դուրս գալու արշավին։ Միայն վերջին երկու շաբաթվա ընթացքում Ջոնսոնին 200 հազար ֆունտ են փոխանցել։
702 հազար ֆունտը ռեկորդային գումար է երկրի պատմության մեջ, քանի որ գերազանցում է նախկին ԱԳ նախարար Դևիդ Մելիբենդի հավաքած 602 հազարը, երբ 2010-ին հավակնել է Լեյբորիստական կուսակցության առաջնորդի պաշտոնին։