Հայտնի ամերիկացի երգչուհի Արիանա Գրանդեն դարձել է Givenchy նորաձևության տան գովազդային դեմքը։
Նոր գովազդում Արիանան ներկայացրել է Givenchy-ի աշուն-ձմեռ հավաքածուն: 26-ամյա երգչուհին նկարահանվել է իր ֆիրմային, բարձր պոչով և տպավորիչ ոճային հանդերձանքով՝ փքված զգեստներով և երկար պիջակներով, հայտնում է Vogue Ukraine-ը։
Կերպարներից մեկում Գրանդեն գովազդել է նաև Givenchy ապրանքանիշի Eden պայուսակը, որն արդեն անվանվել է աքսեսուարների աշխարհի հիթերից մեկը։
Երգչուհու շպարն ինչպես միշտ արտահայտիչ է. երկար սև սլաքներ, խիտ թարթիչներ և պաստելային երանգի շրթներկ։
