Հայաստանի հասարակությունը հզոր պոտենցիալ ունի, որովհետև երեսուն տարվա մեջ երկու անգամ մարտահրավեր նետեց կայսրությանը:
88-ի շարժման հարթակն ավելի ծրագրային, գաղափարական էր ու ապագաղութացումն ամրագրեց իրավա-քաղաքական ակտերով:
Վերջին հեղափոխության առաջնորդները գերադասեցին Պուտինին «նուրբ սիրելու» արվեստը:
Քաղաքական նման իրավիճակն ունի իր նրբությունները, որոնք հասարակությանը մոլորություների տեղիք են տալիս:
Օրինակ՝ Ռոբերտ Քոչարյանը պետք է փակվեր՝ առանց քաղաքական գործոն դառնալու, որովհետև շարքային հանցագործ է, սակայն Նիկոլ Փաշինյանի շնորհիվ մնաց հայ-ռուսական հարաբերությունների «կոկորդում»:
Սերժ Սարգսյանը վաղուց պետք է նստած լիներ, բայց մնաց հեղափոխության «թավիշի» հույսին:
Այս ամենն ինչի հաշվին ծնվեց հեղափոխության «դավադրության» տեսությունը:
Մարդիկ համոզված չեն, որ Քոչարյանը նստելու է, որովհետև Պուտինի «քիմիան» ստանալու հույս ունի նաև Նիկոլ Փաշինյանը:
Սերժ Սարգսյանը դեռևս ոչ թե Քոչարյանի «հարևանն» է այլ՝ Բադեն Բադենի «անառակ զավակը», որովհետև, օրինակ, նրա հավատարիմ օլիգարխները «փայ են մտել» Փաշինյանի հետ կապակցված հիմնադրամներում:
Այս համատեքստում կարո՞ղ է պարտվել Փաշինյանը:
Իհարկե, սակայն դա երբեք չի կարող ենթադրել հին համակարգի ռեստավրացիա, որովհետև ժողովուրդը ոչ թե ընտրել է Փաշինյանին, այլ մերժել է Սերժ Սարգսյանին:
Երկրորդ, Քոչարյանն ու Սարգսյանը երբեք չեն կարող վերադառնալ իշխանության ու այլընտրանք դառնալ Փաշինյանին, որովհետև նոր Հայաստանում Նաիրի Հունանյանի միջոցով «միակ տղամարդ»՝դարձածն ու տասը զոհերի գնով նախագահական պալատ գնացածը տեղ չունեն:
Փաշինյանը պարտվել է Քոչարյանին, որովհետև դարձել է վերջինիս քաղաքական «թթվածինը»: Փաշինյանը պարտվել է նաև Սերժ Սարգսյանին՝ վերջինիս սանձարկությունը հանդուրժելու հետևսնքով:
Այսքանով հանդերձ՝ պարտվել է ոչ թե հեղափոխությունն,այլ՝ հեղափոխությունից հրաժարումը: Եթե Փաշինյանը Պուտինի հետ քիմիայից չխոսի, ապա ոչ թե Քոչարյանն է վերադառնալու, այլ Փաշինյանն է հեռանալու՝հեղափոխությունն ավարտին հասցնելու գիտակցություն ունեցող թիմին իշխանությունը զիջելու վճռականությամբ:
Սերժ Սարգսյանի տեղը Բադեն Բադենն է, որտեղ նա, լավագույն դեպքում, կարող է խաղադրույք կատարել իշխանության՝ առանց հաղթելու հավանականության:
