«Հետաքննություն կարվի և կորոշվի, բայց նախնական պատճառը ես ոնց հասկացա իրանական համակարգում տեղի ունեցած վթարնէ եղել»,-«Առաջին լրատվական»-ի հետ զրույցում ասաց էներգետիկայի նախկին նախարար, ՀԾԿՀ նախագահ Գարեգին Բաղրամյանը։
Բաղրամյանն ասաց, որ մեծ լարման տատանում է եղել և իրանական կողմի ցանկացած տատանում մեզ մոտ նման հետևանք է ունեցել.«Երբ որ լարումները կարգավորվեն Երևան ՋԷԿ-ն ու Հրազդանի 5-րդ էներգաբլոկը կմիանա։ Բլոկների աշխատանքը անջատվում է ավտոմատ կերպով։ Հենց լարումը կարգավորվի, աշխատանքը կվերսկսվի։ Քիչ-քիչ կվերսկսվի նաև սպառողների տրամադրվող էլեկտրաէներգիան»։
Բաղրամյանը հերքեց համացանցում շրջանառվող այն վարկածները, թե դա պայմանավորված է փոխվարչապետ Մհեր Գրիգորյանի Իրան կատարած այցի ու ձեռք բերած պայմանավորվածությունների հետ։ «Որևէ նման բան չկա»,-ասաց նա։
Բաղրամյանը հորդորեց նաև ատոմակայանի հետ կապված լուրեր չտարածել, պանիկա չստեղծել։ Ատոմակայանը հունիս ամսից կանգնած է պլանային նորոգման և էներգահամակարգում ներկայում չկա։
Բաղրամյանը անդրադարձավ նաև Մհեր Գրիգորյանի հայտարարությանը, թե բանակցում են իրանական կողմից ներմուծվող գազի ծավալները ավելացնելու ուղղությամբ։ «Բանակցությունները այս անգամ առարկայական են»,-ասաց Բաղրամյանը։
Առավել մանրամասն՝ տեսանյութում