Ինչպես արդեն տեղեկացրել էինք, Ռուսաստանի Խանտի Մանսիյսկ քաղաքում ընթացող շախմատի աշխարհի չեմպինոի կոչման հավակնորդների մրցաշարի 6-րդ տուրում Լևոն Արոնյանը սպիտակներով ոչ-ոքի էր խաղացել ռուս գրոսմայստեր Դմիտրի Անդրեյկինի հետ:
Կայացած 6 տուրերից հետո Արոնյանը 3.5 միավորով առայժմ ընթանում է մրցաշարային աղյուսակի 2-րդ հորզոնականում: 1-ին հորիզոնականում է գտնվում աշխարհի նախկին չեմպիոն, հնդիկ Վիշվանաթան Անանդը՝ վաստակած 4 միավորով: Իսկ 3-րդից 6-րդ հորիզոնականները 3-ական միավորով զբաղեցնում են Վեսելին Տոպալովը, Վլադիմիր Կրամնիկը, Շահրիար Մամեդյարովը և Պյոտր Սվիդլերը:
Արոնյանը 6 տորերի արդյունքում տարել է երկու հաղթանակ, խաղացել է 3 ոչ-ոքի և կրել է 1 պարտությունը Անանդի կողմից:
Նշենք, որ մրցաշարի ավարտին դեռևս 8 տուր կա, իսկ հաջորդ 7-րդ տուրում Արոնյանը սև խաղաքարերով կմրցի ռուսաստանցի Սերգեյ Կարյակինի հետ:
