Չինաստանի 62-ամյա բնակչուհին գլխացավերից բողոքելով` դիմել է բժշկի: Հետազոտության ժամանակ բժիշկները նրա գանգում 2.5 սմ երկարության և 0.5 սմ լայնությամբ փամփուշտ են հայտնաբերել: Վիրահատության ժամանան բժիշկները կնոջ գլխից հեռացրել են 48 տարի նրա գլխում գտնվող օտար մարմինը: Այս մասին գրում է Mail Online-ը:
Նշվում է, որ մինչ վիրահատությունը կինը վստահ էր, որ տուժել է 14 տարեկանում քարով գլխին ստացված հարվածից: Ըստ մեկ այլ վարկածի`կինն իմացել է, որ տուժել է փամփուշտից, սակայն բժշկի չի դիմել, քանի որ գլխացավերն ուժեղ չեն եղել:
Բժիշկները, սակայն, չեն կարողանում բացատրել, թե ինչպես է փամփուշտն այդքան ժամանակ մնացել կնոջ գլխում`առանց նրան լուրջ վնաս հասցնելու:
