Ռ. Քոչարյանն իր վերջին հարցազրույցում խոսել է իշխանությանն ընդդիմություն լինելու մասին՝ նշելով, որ հնարավոր է՝ մի ամբողջ բևեռ ձևավորվի: «Առաջին լրատվական»-ի հետ զրույցում հրապարակախոս Հրանտ Տեր-Աբրահամյանը, անդրադառնալով այս դիտարկմանը, նկատեց՝ առաջին անգամ չէ, որ Ռ. Քոչարյանը հանդես է գալիս ընդդիմադիր բևեռ ձևավորելու մասին հայտարարությամբ. «Հաշվի առնենք, որ մինչև 2018թ. Քոչարյանի ստվերային ներկայությունը քաղաքական դաշտում եղել է բավականին շոշափելի և եղել է «ընդդիմադիրոտ» նույնիսկ մինչև հեղափոխությունը:
Ինչ վերաբերում է այդ պլանների արդյունավետությանը, ես շատ բարձր չէի գնահատի: Քոչարյանն այն անձը չէ, որի շուրջը կարող է ձևավորվել հզոր քաղաքական բևեռ: Քաղաքական բևեռ ձևավորելու համար միայն ֆինանսական և քարոզչական ռեսուրսներըը բավարար չեն, պետք է լինի նաև ռեալ գաղափարախոսություն, կազմակերպչական բազա և կապեր մարդկանց միջև: Քոչարյանի շուրջ խայտաբղետ կազմ է հավաքվել՝ ամեն մեկն իր շահերով, սա ավելի շատ ժամանակավոր դաշինք է, քան հեռանկարային պրոյեկտ: Աղմուկը գուցե շատ է, գուցե թվում է, որ սա լուրջ քաղաքական նախագիծ է, բայց ես կարծում եմ, որ հեռանկար չունեցող պրոյեկտ է»:
Հրապարակախոսի կարծիքով՝ Քոչարյանը հայտնի քաղաքական ֆիգուրներից ամենաանհաջողն է: «Նա չի կարողանում միավորել հասարակությանը, փորձում է Արցախ-Հայաստան բաժանարար գծեր անցկացնել և այդ անջրպետի ու պառակտման վրա խաղաղալ, որովհետև թույլ անձնավորություն է: Այստեղ հնարավոր չէ չտեսնել արտաքին հետքեր: Իբրև թե հայրենասիրական դիրքերից է հանդես գալիս, բայց հակառակն է տեղի ունենում. հակադրել Արցախը և Հայաստանը, նշանակում է գործել հօգուտ արտաքին ուժերի»:
Մանրամասն՝ տեսանյութում:
