Սիրիայի խորհրդարանը (մեջլիս Ալ-Շաաբ) հավանություն է տվել երկրում համընդհանուր նախագահական ընտրությունների մասին որոշման նախագծին՝ տալով դրան պետական օրենքի տեսք, համաձայն որի՝ սիրիացի փախստականներն ու արտաքին սիրիական ընդդիմության ներկայացուցիչները փաստացիորեն զրկվում են ձայնի իրավունքից:
Ինչպես հայտնում է «Ալ-Շարկ Ալ-Աուսատ» թերթը, նոր օրենքի մի քանի հոդված հատուկ կարգավորում են ապագա ընտրողների կարգավիճակը: Նրանք պետք է ունենան գործող ազգային անձնագիր, նրանում պետք է պարտադիր դրված լինի սիրիական պաշտոնական սահմանային անցակետերից մեկի նշումը՝ սահմանի օրինական հատման մասին, ինչպես նաև այն երկրի սիրիական դիվանագիտական ներկայացուցչության կնիքը, որտեղ ներկայումս գտնվում է Սիրիայի քաղաքացին՝ ասվում է օրենքում:
Չդադարող մարտական գործողությունների պայմաններում երկրից փախածների ճնշող մեծամասնությունը հատել են սահմանը՝ առանց փաստաթղթերում անհրաժեշտ նշումների:
Ազգային կոալիցիայից կամ այլ ոչկառավարական կազմակերպությունների անդամներից ոչ ոք չի կարող ոչ միայն մասնակցել քվեարկությանը, այլև առաջադրվել նախագահի պաշտոնում: Բանն այն է, որ օրենքում հաստատվում է, որ թեկնածու կարող է գրանցվել միայն հանրապետության քաղաքացին, որը 10 տարվա ընթացքում մշտապես բնակվել է երկրի տարածքում:
Գործող նախագահ Բաշար Ասադի լիազորությունների ժամկետը լրանում է այս տարվա հուլիսի 17-ին: Մինչ օրս նա որևէ պաշտոնական հատարարություն չի արել ընտրություններն իր հնարավոր մասնակցության մասին:
