Նոր Զելանդիայում անսթափ վիճակով ավտոմեքենա վարելու համար ձերբակալված ամերիկացի դերասան Քրիս Փայնն իրեն մեղավոր է ճանաչել: Այս մասին հաղորդում է Associated Press գործակալությունը:
Ոստիկանները հայտնել են, որ այդ երեկո Փայնի արյան մեջ ալկոհոլի մակարդակը կազմել է 0.11 տոկոս, ինչը 0.03-ով ավելի է նորզելանդական օրենքով հաստատված նորմից:
Դերասանի փաստաբան Մերլին Գիլշրիսթի խոսքերով՝ Փայնը խոստովանել է, որ ճիշտ որոշում չի կայացրել՝ այդ երեկո ղեկին նստելով:
Դատավորի որոշմամբ նա տուգանվել է 93 նորզելանդական դոլարի չափով (79 ԱՄՆ դոլար): Դերասանը նաև զրկվել է 6 ամիս Նոր Զելանդիայի տարածքում ավտոմեքենա վարելու իրավունքից:
