Ինտերպոլի նախկին ղեկավար և Չինաստանի հանրային անվտանգության նախկին փոխնախարար Մեն Հունվեյն իրեն մեղավոր է ճանաչել կաշառք վերցնելու մեջ: Այս մասին ասվում է Չինաստանի գերագույն ժողովրդական դատախազության կայքում:
Տյանցզին քաղաքի դատարանի տվյալներով, Մենն իր բարձրաստիճան պաշտոնն օգտագործել է անձնական շահադիտական նպատակներով, ընդունելով թանկարժեք նվերներ և գումարներ: Բոլոր խախտումները գնահատվում են մոտ 2 միլիոն դոլար:
Մեն Հունվեյն անհետացել էր այն բանից հետո, երբ 2018 թ.-ի սեպտեմբերի 29-ին Փարիզից ուղևորվել էր Չինաստան: Ավելի ուշ հայտնի էր դարձել, որ չինական իշխանությունները կոռուպցիայի կասկածանքով ձերբակալել են Ինտերպոլի նախկին նախագահին. նա ստիպված էր հեռանալ պաշտոնից:
Ինտերպոլի նոր նախագահ է ընտրվել Կորեայի Հանրապետությունից Կիմ Չոն Յանը: