Այսօր՝ հունիսի 20-ին, շարունակվում է Ազգային ժողովի նիստը. Այժմ շարունակվում է 2018 թվականի պետական բյուջեի կատարման մասին տարեկան հաշվետվության քննարկումը:
«Իմ քայլը» խմբակցության պատգամավոր Արտակ Մանուկյանը չափազանց կարևորեց մակրոտնտեսական կայունությունը. «Ես անցյալ տարի մի քանի մեսիջներ էի լսում՝ կապիտալը փախչում է, գները թռնելու են, ամենօրյա ցույցերը բերում են տնտեսության կաթվածահար վիճակի, ներդրումները 11 անգամ նվազել են և այլն: Այսինքն՝ ցնցումների առաջացմանն էին միտված տեղեկատվական հոսքերը, բայց կյանքը ցույց տվեց, որ այդ բոլոր կանխատեսումները ի չիք դարձան»:
Նրա խոսքով՝ տնտեսական աճը պետք է դիտել որպես ոչ միայն որպես քանակական, այլև որպես որակական ցուցանիշ:
Խոսելով կապիտալ ծախսերի մասին՝ Արտակ Մանուկյանն ասաց. «Ծախսը հո ինքնանպատակ չէ՞, այն պետք է լինի հասցեական: Եթե բյուջեն չմաքրեինք, հետագայում ինչ էլ անեինք, բյուջեն ծակ դույլ էր լինելու: 2019-ի կատարման ընթացքում ամեն պահի մեր շնչառությունը դուք կզգաք»:
Նա նշեց, որ այս բյուջեի կատարման ամենակարևոր ձեռքբերումն այն է, որ սրանով դրական մեսիջներ է հղվում ապագայի նկատմամբ:
Մանրամասները՝ տեսանյութում:
