Բրիտանացի հեռուստահաղորդավարուհի Սյուզանա Ռիդը զարմացել է, երբ «Բարի առավոտ, Բրիտանիա» հաղորդման եթերում տեսել է իր ճշգրիտ ռոբոտ-կրկնօրինակին: Այս մասին հաղորդում է The Sun-ը՝ հղում անելով հեռուստահաղորդմանը:
Իր տեսակի մեջ առաջին Այդա ռոբոտին ներկայացրել է նախագծողներից մեկը՝ Էյդանը: Մեխանիզմը խոսում է մեկնաբանի ձայնով և արտաքնապես նման է նրան: Ծրագրավորողը նշել է, որ Այդան կարող է խոսել և նկարել: Ռոբոտի աչքերի մեջ տեսախցիկներ են տեղադրված, որոնց միջոցով սարքը սկան է անում տարածքը և դրա հիման վրա մատիտով նկարում թղթի վրա: Ծրագրի եթերում Այդան նկարել է ևս մեկ հաղորդավարի՝ Փիրս Մորգանի դիմանկարի էսքիզը և նրա խնդրանքով ասել է, որ Մորգանն «ամեն ինչում բացարձակապես ճիշտ է»: Սակայն ռոբոտը հավելել է. «Սյուզանա, դա նորմա՞լ է, որ այդպես ասացի»: Այդայի իմպրովիզացիան ցնցել է մեկնաբաններին և Փիրսը կատակով նշել է. «Սպասիր, դու չպետք է սեփական ուղեղ ունենաս, դա ինձ դուր չի գալիս»:
Հեռարձակման ձայնագրությունը տեղադրված է ծրագրի Twitter-ի էջում, որտեղ օգտատերերն արդեն խորհուրդ են տվել Ռիդին փոխարինել ռոբոտով: